Kal Raat

Kal baithe the
khana kha k
TV pe puraane
black and white gaane laga k

Power corporation walon ne
apni kripa kuch yu dikhayi
Humari colony ki
bijli di katwayi..

Khidki kholi jo kamre ki
log aapas mei bol rahe the
Halki hawa k sath
ped bhi masti mei jhoom rahe the

Humne bhi uthaya apna
bichhona aur takiya
Aise mausam mei chhat pe na soye
to aur kya kiya

Kaale aasma'an pe
safed baadal yu faile the
Brownie k upar
vanilla ice cream se dikh rahe the

Thandi hawa bhi dheere dheere
chal rahi thi
Bagal k ghr ki khidki bhi
zara zara si hil rahi thi

Sitaaro ko dekhte dekhte
khwaabo'n ko sajate sajate
kab neend aa gayi pata na chala
kab light aa gayi pata na chala

thodi der mei neend khuli to
ice-cream pighal chuki thi
Aur brownie bhi
apna rang badal chuki thi

Fir uthaya humne
apna takiya aur bichhona
Fir aake pakad liya
apne bistar ka wahi apna kona...