Mitti..

Waqt ne ik baar fir dhokha diya
Humse bola badal raha hun
Achhe ki jagah fir bura hi kiya

Maasum bachpan chheena,
Hum chup rahe, bs sehte rahe

Bebaak jawaani bhi le li
Hum chup rahe, bs dekhte hi rahe

Aaj bhi dhundte hain hum wajood apna jaane kahan gira
Ik hawa chali aur fir dhool mei udta dikha

Aawaz bhi nhi aati ab rone ki
Siskiyaan dafan ho jaati hain seene mei hi

Jo chot waqt ne di hain hume
Socha tha wahi mitayega

Kya pata tha chot khaate khaate main khud bikhar jaunga

Aur ek din mitti mei mil jaunga
Mitti hi ho jaunga...