Fir wahi samandar tha..

Fir wahi samandar tha,
Magar mai khud ko kuch badla hua sa mehsus kar rahi thi..

Wahi lehrein thi,
Samandar mei bhi aur mujhmei bhi fir bhi kuch anjaan si mujhko lag rahi thi..


Ankhon ki nami kuch us badlaav ke liye thi,
Kuch wo jo pal beet gaya sada ke liye uske liye thi..

Wo pal jo laut ke ab kabhi nhi aa payenge,
Wo pal jo tere kareeb baith ke maine yun hi ganva diye the ab sirf humko rulayenge..

Mai yunhi dekh rahi thi oonchi oonchi uthti lehron ko,
Aur soch rahi thi ke baha le jaye mujhe aur meri khaamoshi ko..

Meri aakhiri khwaish bass itni si hai 'Meen'...
Marne ke bad mujhe jalana nhi bs baha dena isi samandar mei...